വായനാമധുരം

'വായനാമധുരം'- അവധിക്കാലം  വായനാക്കാലം 

സീസൺ -2

മത്സര നിബന്ധനകൾ

1. മത്സരം ഗ്രന്ഥശാലയിൽ അംഗത്വമുള്ള കുട്ടികൾക്കും പുതുതായി അംഗത്വം നേടുന്ന കുട്ടികളേയും പങ്കെടുപ്പിച്ചായിരിക്കും. ഇതുവരെ അംഗമല്ലാത്തവർക്കും ലൈബ്രറിയിൽ അംഗത്വം നേടി മത്സരത്തിൽ ചേരാം.  കുഞ്ഞിമംഗലം വി.ആർ.നായനാർ സ്മാരക വായനശാല & ഗ്രന്ഥാലയത്തിൽ നിന്ന് വായനക്കായി തെരഞ്ഞെടുത്ത പുസ്തകങ്ങൾ മാത്രമാണ് മത്സരത്തിൽ ഉൾപ്പെടുത്തുക.

2. മത്സരത്തിൽ പങ്കെടുക്കുന്നവർ 2025 ഏപ്രിൽ 1 മുതൽ മെയ് 31വരെയുള്ള തിയ്യതികളിലായി   വായന പൂർത്തിയാക്കണം.

3. മത്സരത്തിൽ പങ്കെടുക്കുന്നവർക്ക് 30 പുസ്തകങ്ങൾ വായിക്കുന്ന കാറ്റഗറി C, 50 പുസ്തകങ്ങൾ വായിക്കുന്ന കാറ്റഗറി B, 70 പുസ്തകങ്ങൾ വായിക്കുന്ന കാറ്റഗറി A യോ ഇഷ്ടപ്രകാരം തെരഞ്ഞെടുക്കാം. സ്വയം തെരഞ്ഞെടുക്കുന്ന കാറ്റഗറി പൂർത്തിയാക്കുന്നവരെ മാത്രമാണ് മത്സരവിജയിയായി പ്രഖ്യാപിക്കുക. വായിച്ച് വായിച്ച് മുന്നേറവേ കാറ്റഗറി ഉയർത്തണമെന്ന് തോന്നിയാൽ അവസരം നൽകും.

4.അവരവരുടെ പ്രായത്തിനും അഭിരുചിക്കും അനുസരിച്ച് ഇഷ്ടമുള്ള പുസ്തകങ്ങൾ വായനക്കായി എടുക്കാം.ഇതിനായി ഒരു തവണ 6 പുസ്തകങ്ങൾ വരെ വായനശാലയിൽ നിന്ന് കൊണ്ടു പോകാം. അവരവുടെ പ്രായഘടനയ്ക്ക് അനുസരിച്ചുള്ള പുസ്തകങ്ങളാണ് വായനക്കായി നൽകുക. ഉയർന്ന ക്ലാസുകളിലെ കുട്ടികൾക്ക് വായന ആരംഭിക്കുന്ന കുട്ടികൾക്ക് നിർദ്ദേശിക്കപ്പെട്ട പുസ്തകങ്ങൾ അനുവദനീയമല്ല എന്നർത്ഥം. വായനയിൽ കഥ, നോവൽ, കവിത,ശാസ്ത്രം,ആത്മകഥ/ജീവചരിത്രം, പഠനം-ലേഖനം തുടങ്ങിയവ ഉൾപ്പെടുത്താൻ ശ്രമിക്കണം. 

5. മത്സരത്തിൽ പങ്കെടുക്കുന്നവർ എൻ്റെ വായനാപ്പുസ്തകം എന്ന പേരിൽ ഒരു നോട്ട്ബുക്ക് കരുതണം. വായന പൂർത്തിയാക്കിയ ഓരോ പുസ്തകത്തിനും കുറഞ്ഞത് നോട്ടുബുക്കിൽ ഒരു പേജിൽ കവിയാത്ത ചിത്രീകരണമുള്ളതോ അല്ലാത്തതോ ആയ വായനാ കുറിപ്പ്  തയ്യാറാക്കണം. പുസ്തകത്തിൻ്റെ പ്രമേയം ഉൾക്കൊള്ളുന്ന ചിത്രീകരണം/അല്ലെങ്കിൽ വായിച്ച പുസ്തകത്തെ കുറിച്ച് കുഞ്ഞു വീഡിയോ പറ്റുമെങ്കിൽ തയ്യാറാക്കാവുന്നതാണ്.  സദസിന് മുൻപിൽ പുസ്തകാസ്വാദനം അവതരിപ്പിക്കുന്നതിനും അവസരമൊരുക്കും.

6. ഓരോ തവണ  പുസ്തകങ്ങൾ തിരിച്ചേൽപ്പിക്കുമ്പോഴും അതുവരെ വായന പൂർത്തിയാക്കിയ പുസ്തകങ്ങളുടെ കുറിപ്പ്  നിലവിൽ പരീക്ഷയെഴുതിയ ക്ലാസും ഫോൺ നമ്പറും സഹിതം ലൈബ്രേറിയനെ ഏൽപ്പിച്ച് ഒപ്പു വാങ്ങണം. പുസ്തകത്തിൻ്റെ പേര്, ഗ്രന്ഥകാരൻ്റെ പേര്, പേജിൻ്റെ എണ്ണം എന്നിവ വായനാ പുസ്തകത്തിൽ രേഖപ്പെടുത്തണം.

7. എല്ലാ ദിവസങ്ങളിലും പകൽ 3.30 മുതൽ 6.30വരെയുള്ള സമയത്ത് പുസ്തകം വിതരണം ചെയ്യും.

8. മത്സരം അവസാനിക്കുന്ന മെയ് 31ന് വൈകിട്ട് 5നകം മുഴുവൻ കുറിപ്പുകളും വായനശാലയിൽ ലഭിക്കണം.

9. പുസ്തകങ്ങൾ മുഴുവനും വായിച്ച് തയ്യാറാക്കുന്ന കുറിപ്പ്  മാത്രമാണ് മത്സരത്തിന് പരിഗണിക്കുക. ഏതെങ്കിലും വായനാകുറിപ്പുകളുടെ ആധികാരികതയിൽ സംശയം തോന്നുന്ന പക്ഷം അവ ഒഴിവാക്കാനോ/വീണ്ടും ആവശ്യപ്പെടുകയോ ചെയ്യും.

10. ഒന്നും രണ്ടും മൂന്നും സ്ഥാനം ലഭിക്കുന്നവർക്ക് സമ്മാനങ്ങൾ ലഭിക്കും.

11. പങ്കെടുക്കുന്ന മുഴുവൻ കുട്ടികൾക്കും സർട്ടിഫിക്കറ്റും പ്രോത്സാഹന സമ്മാനങ്ങളും ലഭിക്കും.

12. മത്സരത്തിൽ പങ്കെടുക്കുന്നവർ / രക്ഷിതാക്കൾ താഴെ തന്നിരിക്കുന്ന ലിങ്കിൽ ലഭിക്കുന്ന ഗൂഗിൾ ഫോം ഇപ്പോൾ തന്നെ അയച്ചാലും.സംശയ നിവാരണത്തിന് 9400511225, 9447356660,9544104896 എന്നീ നമ്പറുകളിൽ വിളിക്കാം. 

13. പങ്കെടുക്കുന്ന കുട്ടികൾ മാർച്ച്‌ 28ന് മുൻപായി പേര് രജിസ്റ്റർ ചെയ്യേണ്ടതാണ്.

*വായനാമധുരം -പേര് രജിസ്റ്റർ ചെയ്യാനുള്ള ഗൂഗിൾ ഫോം ലിങ്ക്:👇

https://forms.gle/eYiUFooQsahL7hpN7